لقاء الخميسي: الحجاب والخمار مش فرض أنا فاهمة معاني القرآن

بوابة السهم – لقاء الخميسي والحجاب، قالت الفنانة لقاء الخميسي: “النقاب مش فرض وصرحت بكده علشان أنا ست قريت القرآن وذاكرته وعارفه معانيه وشايفة إن مفيش حاجة اسمها خمار ونقاب، والجيوب هي المنطقة المقفولة اللي هي الصدر لازم تبقى مقفولة”.

الحجاب والخمار ليس فرضا

وأضافت خلال الجزء الثاني من لقائها ببرنامج “أسرار” الذي تقدمه الإعلامية أميرة بدر بقناة “النهار”: “انا من حقي إن أقول رأيي وربنا ما صادرش رأيي، وأنا مقتنعة إن الحجاب والخمار مش فرض ومش لازم أطلع غلطانة كل واحد شايف وجهة نظره اللي تحترم”.

الحجاب تغطية الصدر

وتابعت: “الحجاب بالنسبة لي على حسب قراءتي وتحليلي وتفسيري وتفسير ناس كتيرة أوي اللي هو تغطية منطقة الصدر فقط مش غطاء منطقة الرأس، وأنا قريت كتير تفسيرات كتير كده”.

موقف لقاء الخميسي من الحجاب والنقاب

ولفتت لقاء الخميسي: “أحترم المحجبة جدًّا هي حرة وشايفة إنها عايزة تعمل كدا ومرتاحة والمنتقبة هي حرة ودي حياتها، وأصحابي كتير محجبات ولما كنا في الإمارات كان فيه منتقبات كتير وبنتعامل معاهم”.